శ్రీరామ శతకము – 53

సీ  :  కమలాలయేభార్య కమలాసనుడు బిడ్డ

               దివిజులెల్లరు నీదు సేవకులును

       వేదపురుషుడు నిన్వేవిధంబుల గొల్చు

               పార్ధుండు నీప్రియ బాంధవుండు

       తల్లియే దేవకి దయయె మోక్షంబండ్రు

                ఈ జగత్తే మాయ యిలను ప్రజలకు

       నీమాయ తెలియంగ నేనెంతవాడను

                మహిమతెలియగ లేరు మాన్యులైన

తే :   నీ కృపాలేశమెంతైన నిలచియున్న

       ప్రకృతి నెడబాపి నిన్నింక మరువగలనె

       దాతవై నన్ను దరిజేర్చు ధర్మపరుడ

       అందుకొనవయ్య శ్రీరామ వందనములు !!

                                    - శ్రీ తిరుకోవలూరు రామానుజస్వామి