శ్రీరామ శతకము – 47

సీ :   నేనెంత వేడినా నీకేల దయరాదు

             భక్తవత్సల దీన భయవిదూర

       నేనెంత బిలచినా నీవేల పలుకవు

             కరిరాజు వెతదీర్చు కమలనాభ

       నేనెంత తలచినా నీవేల కనరావు

             గోపికా ప్రియదర్శ గోపబాల

      నేనెందుజూచినా నీ జాడకనరాదు

           ప్రహ్లాదుగాచిన పరమ పురుష

తే :  కుబ్జవెతలను దీర్చిన కూర్మిసఖుడ

      చింతయంత్యను గోపిక చింతదీర్చు

      నాధనన్నిదె రక్షించు నళిన నేత్ర

      అందుకొనవయ్య శ్రీరామ వందనములు

                                    - శ్రీ తిరుకోవలూరు రామానుజస్వామి