శ్రీరామ శతకము – 51

సీ :  పాపంబులను జేసి పరితపించుట యేల

             పతితపావనుడు తాప్రాపుగాగ

       కర్మంబులనుజేసి కడు దుఃఖ పడనేల

              కలుషంబులను బాపు ఘనుడు గలుగ

       రుజ బాధలంజూచి రోధించ నది యేల

               రంజించు జానకీ రమణుడుండ

        ఆలుబిడ్డలజూచి అలమటించుట యేల

                ఆవేదనల బాపు హరియెగాన

తే : చిత్తమా నీవు దుఃఖంబు జెందుటెట్లు

     అంతరాత్మలొ హరి యుండి ఆదుకొనును

     నేడు నాబాధలను దీర్చ నిన్నెగొలుతు

     అందుకొనవయ్య శ్రీరామ వందనములు

                                    - శ్రీ తిరుకోవలూరు రామానుజస్వామి