శ్రీరామ శతకము – 81

సీ :  కంఠంబునందెప్డు కఫమునిండగ బాధ
                గురగుర ధ్వనులనిన్ గుర్తుగొనను
         ఆలుబిడ్డలు జూచి యయ్యయోయని యేడ్వ
                 ధ్యాసలేకెంతయు దలఁప నిన్ను
          జనులాస వీడ్కొని చనిపోవు నంచేగ
                  కనరాదు నీరూపు కన్నులకును
          యమదూతలీ యాత్మ ఎడము చేయనురాగ
                  నిను దలంచెడి శక్తి నిలువగలదె
                
తే :   చెప్పలేనన్ని బాధలు చివర చేరి
          నరకముల పాలబడ జేయునాథ నిజము
          గాన కీర్తింతు నిప్పుడే కమలనాభ
          అందువుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి