శ్రీ రామ శతకము -13

సీ:       నీనామములు సహస్రానీకములు గాన

 ఏ నామమున బిల్వ నేర్తునిన్ను

బహు రూపములు నీకు భావ్యమై యుండగ 

ఏ రూపమని నిన్ను నేర్పరింతు

కళ్యాణగుణములు కల వనంతంబులై 

ఏగుణమ్మన నిన్ను నెంచుకొందు

సకల లోకాలలో సర్వంబు నీవౌట

యెందు గలవీవని యెరుగ గలను 

తే :      క్షితిని నిను జూచు వారేరి చిద్విలాస

మలినమతి నేను నిన్నెట్లు దెలియనేర్తు

వచ్చి కాపాడు శరణము జొచ్చినాడ

అందుకొనవయ్య శ్రీరామ వందనములు !!