శ్రీరామ శతకము – 82

సీ :  దీన రక్షక దేవ దీన దయాళుడ
                నీనామ స్మరణంబె  నేను జేతు
         పుడమి యందేమి యేభువనమందున్నను
                నరక మందున్నను నళిన నాభ
          స్వర్గమందున్నను వైకుంఠముననున్న
                 పాతాళమందున్న పద్మనాభ
           ఎచట నేనున్నను ఇసుమంత భయమొOద
                  నిన్నే స్మరించుచు నిలువగలను

                
తే :   పాపి జారుడు చోరుడు పరమ నీచు
         డంచు మదినెంచి యెడబాయ నెంచితేని
         పాదములు రెండు గట్టిగ పట్టుకొనెద
          అందువుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి