శ్రీరామ శతకము – 43

సీ :  హెచ్చుతగ్గులు లేక ఎవరువచ్చిన నేను

           మెచ్చెదననుమాట యెచ్చటుండె

      మెచ్చుకోలుకు నేను యిచ్ఛగించనటంచు

           ముచ్చటించితివేల ఖచ్చితముగ

      మచ్చిక నీరూపు వచ్చి చూపించుము

           లచ్చికి జోహారు లెచ్చు తెలుపు

      పచ్చవిల్తుని తండ్రి రచ్చకీడ్వకునన్ను

            వచ్చి కాపాడుము మెచ్చననక

తే :  ఉచ్ఛదశ వీడి వేవచ్చి నచ్చవయ్య

      మచ్చుకైనను నిన్వీడ పిచ్చివాడ

      లచ్చియానను నీయాన మెచ్చునన్ను

      అందుకొనవయ్య శ్రీరామ వందనములు !!

                                    - శ్రీ తిరుకోవలూరు రామానుజస్వామి