శ్రీరామ శతకము – 31

సీ :  విజ్ఞానఖని నీవు అజ్ఞాన నిధి నేను
                     అల్పుడంచని యెంచకాదరించు
       జీవోద్దరుడ వీవు జీవద్వేషిని నేను
                 హింసాత్ముడన కను హితముగూర్చు
       ప్రకృతినిగ్రహుడీవు ప్రకృతి బద్దుడ నేను
               ప్రాపాత్ముడ కను పరమునిమ్ము
       దోషభోగ్యుడవీవు దోషకృత్యుడ నేను
              ఛం డాలుడన కను క్షమను గాచు

తే : తనయునెపుడైన వీడునే తండ్రి యెందు
      సజ్జనుల స్నేహమొనగూర్చి సన్నిధికిని
      జేర్చుకొనుగాదె నామొర చెవిని విడుచు
      అందుకొనవయ్య శ్రీరామ వందనములు !!

                           - శ్రీ తిరుకోవలూరు రామానుజస్వామి