శ్రీరామ శతకము – 76

సీ :  బాల్యమందున నన్ను బహు ప్రేమగాపాడి
                 దయను రక్షించిన తండ్రివీవె
        విద్యయు నిర్వంగ విమలుల స్నేహంబు
                  ఘటియిల్లజేసిన కాంతులిడీవె
        అధ్యాపకుని వృత్తి యమరనిప్పించియు
                  పాలించగలిగిన ప్రభువు నీవె
        సంగీత సాహిత్య సారస్వతములిచ్చి
                 పేరు రప్పించిన పెద్దవీవె
                
తే :   ఇట్లు నన్నెందుబాయక యిOపుగాను
          గుండె ధైర్యము గలిగించి కుందుదీర్చి
          నేటికి రక్ష సలిపెడి నీరజాక్ష
          అందువుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి