పుబ్బ నక్షత్రం (పూర్వ ఫల్గుణి)

మనం ఇంతకు  ముందు 27 నక్షత్రముల పేర్లు, వాని అధిపతుల గురించి తెలుసుకున్నాం కదా! ఇప్పుడు ప్రతి నక్షతమునకు సంబందించిన మొక్క గురించి తెలుసుకుందాం!
ఎవరి జన్మ నక్షత్రముననుసరించి వారు ఆయా మొక్కలను నాటి, పెంచి, ప్రత్యేకమయిన అంటే పండుగలు, నెలలో ఆ నక్షత్రం ఉన్న సమయంలో వాని చుట్టూ కనీసం 3 సార్లు తిరుగుతూ చదువవలసిన శ్లోకం గురించి మరియూ అలా చేయటం వలన కలిగే శుభ ఫలితముల గురించి చెప్పుకుందాం.

పుబ్బ నక్షత్రం (పూర్వ ఫల్గుణి) :

వృక్షం : మోదుగ 

శ్లోకం : పూర్వ పల్గుణీద్వితారాశ్చ పాలశో దండాకృతిః
          కృష్ణ వర్ణ నంది వర్దేచ కాక పక్షీచ వజ్రం తధా !

ఈ శ్లోకమే కాకుండా శ్రీ విష్ణు సహస్త్రనామ స్త్రోత్రంలోని 41 నుండి  44 వరకు గల శ్లోకములు పుబ్బా నక్షత్రమునకు చెందినవి. ఆ నాలుగు శ్లోకములు, ఈ నక్షత్రమునకు చెందిన నాలుగు పాదములకు సంబందించినవి. కనుక ఆయా పాదములకు చెందినా వారు ఆ శ్లోకమును కూడా చదువుకోన వచ్చును. ఒకవేళ నక్షత్ర పాదం తెలియక పొతే మొత్తం నాలుగు శ్లోకములను చదువుకొన వచ్చును. 

ఫలితం : ఈ నక్షత్రం వారు పైన చెప్పిన విధంగా చేయుట వలన వారి జీవనంలో ప్రశాంతత లభిస్తుంది. మనోబలం పెంపొందుతుంది. సంతానలేమి తొలగుతుంది.