శ్రీరామ శతకము – 25

సీ : కాముకత్వోద్రేక గర్వితుల్ చెడిపోరె
            మునుబ్రహ్మ రుద్రులు మోహ మొంది
      దేవేంద్రుడాహల్యదేవి గూడగ మేన
              పెక్కు  యోనులు గల్గి పేల్వమొందె
     ఋశ్య శృంగుడు చెడె ఋష్యా శ్రమమ్ములో
               వేశ్యలరతుల కావేశమొంది
     మునులు ఋషులును రాజ ముఖ్యులు వేల్పులు
             స్త్రీ సంగమును కోరి చెడిరి భువిని

తే : కామ వశులౌచు చెడిరిట్లు ఘనులు మున్ను
       నన్ను నీచుని సామాన్య నరునకట్టి
       కామమణచగ వశమౌనె కలుషహరణ
      అందుకొనవయ్య శ్రీరామ వందనములు !!

                                   - శ్రీ తిరుకోవలూరు రామానుజస్వామి