శ్రీ రామ శతకము-18

సీ:         విద్యుత్సమాన దుర్విషయాను రక్తులై

స్త్రీ సంగమును కోరి చెడుట నిజము

భోగాభిలాషచే భూరి సంపద గూర్చి

నరక దుఃఖము నొందు నరుడు నిజము

బంధువుల్ భార్యయేపరమనువారికి

సంసారబంధంబు సాగు నిజము

పాంచభౌతికమైన పాడు దేహముజూచి

నేను నాదను వాడు నీల్గు నిజము

తే :      ఇట్టి యైహిక మస్థిరమీప్సితముల

దగు నీకను నన్నెప్డుదయను బ్రోవ

నిన్నెనమ్మితి మనమున నీరజాక్ష

అందుకొనవయ్య శ్రీరామ వందనములు !!