మనకు అనేక పురాణములలో, అనేక కధలలో పూర్వులు పుత్రునికోసం అనేక మార్గములను అన్వేషించారని, వాని ద్వారా సంతానం పొందారని చెప్తారు. అటువంటి వాటిలో రామాయణంలో పుత్రకామేష్టి, మహాభారతంలో కుంతికి భర్త అనుమతితో మరొకరి చే కుమారుని పొందుట మొదలయినవి. ఐతే అవే పురాణముల ప్రకారం ధర్మసమ్మతమైన పుత్రులను 12 రకములుగా పొందవచ్చును. ఆ విధములు ఏమిటో తెలుసుకుందామా!
- ఔరస: సహజంగా భార్య, భర్తలకు జన్మించే వాడు
- దౌహిత్ర: ఒక తండ్రికి కేవలం పుత్రికలే కలిగినట్లయితే ఆమెకు కన్యాదానం చేసే సమయంలో తమ అల్లుని, వారికి కలుగాబోయే మొదటి పుత్రా సంతానమును వారి వంశమునకు ఉద్దరకునిగా ఇచ్చే ఒప్పందం చేయించుకుని, వానిని స్వీకరించుట. అర్జునుని కుమారుడు బబృవాహనుడు
- క్షేత్రజ: తన భార్య యందు తన అంగీకారంతో పరులవలన కలిగిన వారు. పాండవులు
- అత్రిమ : దత్త పుత్రుడు. కన్న తల్లిదండ్రులు దానం చేయగా మన ఇంటికి వచ్చిన వాడు.
- కృత్రిమ: అనాధగా పెరుగుతున్న వాడిని తెచ్చి పెంచినట్లయితే వాడు కృత్రిముడు. రాధేయుడు
- గూడజ: భర్త అనుమతి లేకుండా పర పురుషుని వల్ల కలిగిన వాడు.
- అపవిద్ధ: కన్న తల్లిదండ్రులచేత విడువబడి, మరొకరిని స్వయంగా తల్లిదండ్రులుగా భావించి వారిచే పెంచబడిన వాడు
- కానీన : స్త్రీకి వివాహమునకు ముందుగా జన్మించిన వాడు. కర్ణుడు
- సహోదుడు : స్త్రీ గర్భవతి అని తెలియక వివాహం చేసుకున్న తరువాత జన్మించిన వాడు
- పునర్భవ : భర్త చనిపోయిన తరువాత, స్త్రీకి మరొకరి వలన జన్మించే వారు. చిత్రాంగదుడు, విచిత్ర వీర్యుడు
- స్వయం దత్త : కన్న తల్లిదండ్రులు ఎవరో తెలిసినా, తెలియకపోయినా మరొకరిని తల్లి తండ్రులుగా భావించి సేవలు చేసే వాడు.
- క్రీత : కన్న తల్లిదండ్రులచే అమ్మబడి, మన ఇంటికి వచ్చి పెరిగిన వాడు. లోహితాస్వుడు
కామెంట్‌లు లేవు:
కామెంట్‌ను పోస్ట్ చేయండి