జ్యేష్ట పుత్ర-పరీక్ష

శివ శర్మ ఒక రోజు తన పెద్ద కుమారుని పరీక్షించాలని అనుకున్నాడు.
జబ్బుతో భాదపడుతున్న తన భార్యను చూచి, జ్యేష్ట పుత్రుడయిన యజ్ఞశర్మను పిలిచెను. అతనితో శివశర్మ,  "చూడు! మీతల్లి ఈ విపరీతమయిన ఈ జ్వరముతో అనేక విధములుగా వేదన అనుభవిస్తున్నది. ఏవిధంగా ఆలోచించినా ఈమె వ్యాధికి మందు తెలియటంలేదు. ఆమె ఈ విధంగా భాదను అనుభవించుట కంటే ఆమెకు మనం మరణమును ప్రసాదించుట మేలు. కనుక నా జ్యేష్ట పుత్రుడవయిన నీవు, నీ స్వహస్తములతో ఒక ఖడ్గం తెచ్చి, దాని ద్వారా నీ తల్లిని వదించుము. ఆ పిదప ఆమె శరీరమును ఖండ ఖండములుగా త్రుంచి, నలు దిక్కులా పడవేయుము. అలా చేస్తేనే ఆమెకు గల ఈ విచిత్ర జ్వరం నివృత్తి అవుతుంది." అని చెప్పెను.
తన తండ్రి చెప్పిన మాటలు విన్న యజ్ఞశర్మ "తమరి అజ్ఞ" అని పలికి, అక్షరాల తండ్రి చెప్పిన విధంగా, చేసి తిరిగి వచ్చి తన తండ్రికి నమస్కారం చేసెను. కేవలం ఆతని మనస్సు నందు తన తండ్రి చెప్పిన మాటను నిస్సందేహంగా పూర్తి చేయవలెనను సంకల్పం తప్ప మరొకటి లేదు. అతనికి కనీసం ఇది తమ తండ్రి తనకు పెడుతున్న పరీక్ష అనికూడా తెలియదు.
జ్యేష్ట పుత్రుడు తన తండ్రి చెప్పిన విధంగా చేసి, తన పితృభక్తి ని నిరూపించుకున్నాడు.