శ్రీరామ శతకము – 58

సీ :    మాధవుడేడని మతి మాంద్యుడడిగిన
                          మాట యేమనవలె మాన్యుచెపుమ
          నరహరి యేడని నాస్తికుడడిగిన
                         నాధ యేమనవలె నాకు నుడువు
          బౌద్ధజైనులు వచ్చి భగవంతుడేడన
                          ప్రత్యుత్తరము నెట్లు పలుక వలెను
          యవనహుణులు జేరి హరి ఎందుగలడన్న
                          ఏమని జెప్పుదు యెరుగజేయు

తే :   నిజమునీరూపు నీయున్కి నిలుకడెచటో
          వాస్తవంబు దెల్పి నాస్తికవాదముడుపు
          నీదే భారంబు నిన్నమ్మి నిన్నెగొలుతు
          అందుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి