శ్రీరామ శతకము – 71

సీ :  కనుగొందునా నీదు కమనీయ రూపము
                 కనుల పండువుజేయ కమల నాభ
        విందునా నీదివ్య వేదాంత సూక్తులు
                శ్రవణేంద్రియంబుల శ్రమదొలంగఁ
        దర్శింతునా దేవ ధర్మమూర్తిని నిన్ను
                 మదిలోని మమత తన్మయమునొOద
        పూజింతునా నిన్ను పూలమాలలచేత
                 కరముల కండూతి కదలిపోవ 
                
తే :   పరమపదనాధ వైకుంఠపురవిహార
         శంఖ చక్ర గదా ఖడ్గ శారజ్ఞ హస్త
         యెన్నడెట్లుద్ధరింతువో యేమొ స్వామి
          అందువుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి