శ్రీరామ శతకము – 77

సీ :  శైశవ దశనుండి సామి నేనెప్పుడు
              నిన్వీడి యుంటివా నిజముగాను
       బాల్యమందైదేండ్ల ప్రాయమందేయుండ
               ననుజేరబిల్చిన నాధుడెవరు
        యౌవనంబున నేను జవ్వనిగూడుచు
                వెంగలినై నిన్ను విడిచినానె
        పలుబాదలందున బహునేర్పుతో నన్ను
                రక్షించితివిగాదె రంగుగాను
                
తే :   చాటుగనుయుండి రక్షణ సేయు నీవు
          నేటికిని చూపవదియేమి నీదు రూపు
          దీన జనునకు కాంక్షను దీర్చ వేగ
          అందువుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి