శ్రీరామ శతకము – 66

సీ :   శ్రీరామ నీయండ చిరకాలముండగ
                  తాపముల్ లేకుండు ధరణినిండ
         పతిత పావను దండ కైదండ నాకుండ
                   పాప పిందులు నన్ను పాయునండ
         దండిదాతను జేరు తనయుండ దాసుండ
                   తండ్రియైరక్షించు ధార్మికుండ
         కోదండ మెక్కిడి కూరిమి కాపుండ
                   మా బాధలిక తీరు మనసునిండ

తే :   మాకు సిరులిచ్చి రక్షించు మాధవుండ
          గొనుము నేనిచ్చు పూదండ మేను నిండ
          నిండు హృదయంబు నీ యందె నిలచియుండ
          అందువుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి