శ్రీరామ శతకము – 67

సీ :   వేమారు నేబిల్వ వినవెందుకీ కక్ష
                     వినిపించుకోవేల దీన రక్ష
         జన్మంబులిక నెత్త జగతి జాలున కాంక్ష
                     కమలాక్ష మాకిది కఠిన శిక్ష
         భక్తుల రక్షించు పనియైన యీ దీక్ష
                      పక్షివాహన నీకు బహు యపేక్ష
         నీమూర్తి కనుపించ నిజమునాకిడు భిక్ష
                       సరియైనదని ఎంచ సారసాక్ష

తే :   కుక్షి నీయందు నరులుండు కోటిలక్ష
         వానినేవిధి రక్షింతో వారిజాక్ష
          దాసు రక్షించుటది యొప్ప ధర్మ దీక్ష
          అందువుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి