శ్రీరామ శతకము – 90

సీ :  నింగిని రిక్కాలు నీ యాజ్ఞమీరక
                   పరివేష్టనము చేయు పరిధి విడక
         శశిభాను గ్రహములు సప్తర్షులెల్లరు
                   అవధిదాటక తిర్గునంబరమున
        జలధులు నీ యాజ్ఞజగముల ముంచక
                    చెలియలి కట్టను చేరవెరచు
        కలిదోషమున జేసి మలిన మానసు నౌట
                    ధర్మ శాస్త్రములెల్ల తప్పుయనుచు
       

తే :    వేదములకపార్థంబులు వేరెదెలిపి
           భాగవత ధర్మ పద్ధతుల్ పారద్రోలి
           నాశ మొందుచునుంటిని నన్నువిడక
          అందువుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి