శ్రీరామ శతకము – 33

సీ : ఏ  నామమున బిల్వ నేగుదెంచెదో కాని
            శ్రీరాముడని బిల్తు చిరము నేను
     ఏ రూపమున నీవు యెట్లుగుపడెదవో
           శ్రీరామురూపివై చేరునన్ను
     ఏ మొరాలించుచు ఎచ్చటికేగెదో
           నామొరాలించుచు నన్నువిడకు
      ఏ చోట నుందువో యేలిక నాసామి
           నాగేహమందుండి యేగ కెపుడు
తే : నేను నీవాడనంచును నిన్నుచేరి
      యాశ్రయించితి దాసులయార్తి దీర్చు
      అవనినేగోరు పురుషార్ధమదియె సుమ్ము
     అందుకొనవయ్య శ్రీరామ వందనములు !!

                           - శ్రీ తిరుకోవలూరు రామానుజస్వామి