శ్రీరామ శతకము – 29

సీ :  వీడల్పుడంచని వీడనాడెదవేని
               సౌలభ్యుడంచెట్టు చాటు కొనెదు
        అజ్ఞుండుఛండాలుడని వీడ దలతేని
                సర్వజ్ఞు బిరుదు నిస్సారమగును
       వీడకించనుడని విని నూరకుంటేని
                 భవదీయ కీర్తికి భంగమొదవు
      ఆర్త ప్రపన్నుని యార్తి దీర్చవదేని
               శోకహరుడను పేరు లేక యుండు

తే :  మాధవిట్లెప్పుడును చేయుభోధనలను
       చెవికినెక్కించుకొని వేగచేతనులను
       కృపను రక్షించు గోవింద కృష్ణవర్ణ
       అందుకొనవయ్య శ్రీరామ వందనములను !!

                                   - శ్రీ తిరుకోవలూరు రామానుజస్వామి