శ్రీరామ శతకము – 56

సీ :  రాక్షసిదునుమాడి రాక్షసి వికృతిని
             గావించు రవికుల ఘనయశుoడ 
      కపిరాజు ద్రుoచియు కపిరాజు గైకొని
             కపిరాజ్య మొసగిన కపికులండు
     చాపంబు ఖండించి చాపంబు చేపట్టి
              శత్రు సేనల ద్రుoచు క్షాత్రవరుడు
    అసురేంద్రు దునుమాడి అసురేంద్రునకు
              రాజ్యమును నిప్పించినరాచకులుడు
తే : శబరి దయజూచి కాంక్షించు శబరునెపుడు
      గ్రద్దరేనికి మోక్షంబు కూర్మినొసగు
      రక్షకుడవెల్ల వారికి మోక్షమొసగ
      అందువుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి