శ్రీరామ శతకము – 54

సీ :  జన్మమేదెత్తిన జగతిలోపల నేను

           భక్తిహీనుల చెల్మి రక్తిజేయ

      ఇంపుసొంపుల నుండు యేకధలైనను

            వినజాల నీకధల్ వినగ గలను

      పాషండులను జూచి పారిపోయెదగాని

            నినుదలంపని వారి నేనుగోర

      నీపూజలేజేసి నీకధాశ్రవణముల్

             గోరెడివారి నే గోరుచుందు

తే : వినుము భవదీయ దాసులలోన నన్ను

     కట్టకడపటివాడని కరుణజూచి
     దాస్యమింపుగ గొనవయ్య తండ్రి నీవు

     అందుకొనవయ్య శ్రీరామ వందనములు!!

                                    - శ్రీ తిరుకోవలూరు రామానుజస్వామి