శ్రీరామ శతకము – 32

సీ : అర్ధ పంచక జ్ఞానమమరియుండిన గదా
             జ్ఞాన మాత్మకు గల్గు మానకెపుడు
      ఆకారత్రయ నిష్ఠయాత్మకుండినగదా  
             అన్య దేవతలందు నానవదలు
      నవవిధ సంబంధమును నమ్మినట్లైన
            ఇతరాంతరంబుల యిష్టముడుగు
      తత్వత్రయంబాత్మతరచి చూచినగదా
              మంత్రాంతరంబులమాని బ్రతుకు
తే : భువిని నీయర్ధముల యొక్క భోగ్య తెరిగి
       చేతినిష్టలనున్నట్టి చేతనులను
       దయను రక్షింతువట తండ్రి ధర్మమూర్తి
      అందుకొనవయ్య శ్రీరామ వందనములు !!
                           - శ్రీ తిరుకోవలూరు రామానుజస్వామి