సీ : దశరూపధరుడవు ధర్మమూర్తివినీవు
బహుజన్మ ధరుడనే పాతకుడను
పతితపావనుడీవు భక్తవత్సలనేను
పతితుండ నీచుడ పాపరతుడ
శరణాగతత్రాణబిరుదాంకితుడవీవు
కాపాడుమన చంపు ఘనుడ నేను
కారుణ్యదాక్షిణ్య కళ్యాణ నిధివీవు
నిర్దయుండనునేను నిందితుడను
తే : నీదు బిరుదములట్లుండు నాదుహేయ
గుణములిట్లౌట జోడింకకుదరదనుచు
తరిమికొట్టకు దిక్కింకతండ్రివీవె
అందుకొనవయ్య శ్రీరామ వందనములు !!
- శ్రీ తిరుకోవలూరు రామానుజస్వామి
కామెంట్‌లు లేవు:
కామెంట్‌ను పోస్ట్ చేయండి