శ్రీరామ శతకము – 20

సీ :      పరులనిందించంగ బలుక నేర్చితిగాని

నానేరముల జెప్పుకొనగనైతి

విష్ణు దాసులజూచి వెక్కిరించితి గాని

ముక్తులంచనియెంచి మ్రొక్కనైతి

ఇతరులవంచించ సతము గోరితిగాని

ఆత్మవంచకునటంచరయనైతి

పలుదేవతల గొల్చి పాడనేర్చితిగాని

పరమాత్ముడగు నిన్ను పట్టనైతి

తే :      భూరివేదాంత సూక్తుల బొగడనైతి

మాటిమాటికి నినుగొల్వ మరచిపోతి

ఇంకనేవిధి నను బిల్చి యేలుకొనెదో

అందుకొనవయ్య శ్రీరామ వందనములు !!

                            - శ్రీ తిరుకోవలూరు రామానుజస్వామి