శ్రీరామ శతకము – 91

సీ :    దారీషణము జూడదగు పక్షులందున
                      మక్కువగా జంట మరులు కొనుచు
           ద్రవ్యేచ్చయాది సర్పరాజుల యందుండు
                      నిధినాశ్రయిOచుచు నిలుచునెప్పుడు
           పుత్రీషణము జూడపుడమి గోవులయందు
                      కనిపించు మక్కువ ఘనముగాను
           ఈషణత్రయమందు నేదియు వదలక
                       కాంక్షించు నరుడు తా కామమొంది
         

తే :   ధరను యైహికమస్థిర ద్రవ్యములను
          తృణముగానెంచి నారాయణుని దలంచి
          నిత్యకైంకర్యమాశించ నిలచినాను
          అందువుకొనవయ్య శ్రీరామ వందనములు !

                                    - శ్రీ తిరుకోవలూరు రామానుజస్వామి