శ్రీరామ శతకము – 27

సీ : ఆత్మాభిలాష నిన్నర్చింతునందునా
              దేహాభిమానమున్ తీసిపోదు
       జ్ఞానభక్తినిరక్తి ధ్యానింతు నందునా
       కలికాలమునకది యలవి గాదు
       మనసునేకాగ్రతన్ మసలజేసెదనన్న
            ఈషణత్ర బంధమెపుడుపోదు
       సత్సహవాసంబు సంతరించెదనన్న
           దుస్సహవాసమే తోడు పడును
తే:   ఇట్టి లంపటు లంబడి తుట్టతుదకు
       మట్టి చేపట్టి నోటను కొట్టుకొంటి
        గాన పాపిని విడువక కలుషమణచి
         అందుకొనవయ్య శ్రీరామ వందనములు !!

                                   - శ్రీ తిరుకోవలూరు రామానుజస్వామి