శ్రీరామ శతకము –17

సీ :    శ్రీ రమానాయకా చిత్తగించ గదయ్య 

              వివరింతు నీకు నా విపుల చరిత 

        మవని నేజేయని యఘమొక్కటియులేదు 

                 బండబూతులదిట్టు దండివాడ 

      జారత్వ చోరత్వ చంచలత్వపునుడుల్ 

                 మాటిమాటికి సేయు మేటిమగడ 

      పరహింస పరధన పరకాంతలను జేర 

                బట్టివీడని జగజ్జెట్టి ఖలుడ 

తే : పరుల మేలోర్వ జాలని పాపమతిని 

      ఘనుల నిందల పాల్జేయు కపటికులుడ 

      ఇంకయేరీతిన న్నీవు యేలుకొనెదొ 

     అందుకొనవయ్య శ్రీరామ వందనములు !!

                              - శ్రీ తిరుకోవలూరు రామానుజస్వామి