అశ్వని నక్షత్రం

మనం ఇంతకు  ముందు 27 నక్షత్రముల పేర్లు, వాని అధిపతుల గురించి తెలుసుకున్నాం కదా! ఇప్పుడు ప్రతి నక్షతమునకు సంబందించిన మొక్క గురించి తెలుసుకుందాం!
ఎవరి జన్మ నక్షత్రముననుసరించి వారు ఆయా మొక్కలను నాటి, పెంచి, ప్రత్యేకమయిన అంటే పండుగలు, నెలలో ఆ నక్షత్రం ఉన్న సమయంలో వాని చుట్టూ కనీసం 3 సార్లు తిరుగుతూ చదువవలసిన శ్లోకం గురించి మరియూ అలా చేయటం వలన కలిగే శుభ ఫలితముల గురించి చెప్పుకుందాం.

అశ్వని నక్షత్రం:
              వృక్షం : ముశిడి
              శ్లోకం : అశ్వినీత్తితారాశ్చ ముశండీ పితాశ్వమంఖీ!
                        గండ భేరుండ కృష్ణతులసీచ వైడూర్యం తత్నం తధా!
ఈ శ్లోకమే కాకుండా శ్రీ విష్ణు సహస్త్రనామ స్త్రోత్రంలోని మొదటి నాలుగు శ్లోకములు అశ్విని నక్షత్రమునకు చెందినవి. ఆ నాలుగు శ్లోకములు, ఈ నక్షత్రమునకు చెందిన నాలుగు పాదములకు సంబందించినవి. కనుక ఆయా పాదములకు చెందినా వారు ఆ శ్లోకమును కూడా చదువుకోన వచ్చును. ఒకవేళ నక్షత్ర పాదం తెలియక పొతే మొత్తం నాలుగు శ్లోకములను చదువుకొన వచ్చును.

ఫలితం : ఈ విధంగా చేయుట వలన సంతాన వృద్ధి, జననేంద్రియముల, చర్మ సంబంధ వ్యాదుల ఉపశమనం. సమయాభావం లేకుండా సమర్ధవంతంగా పనుల పూర్తి జరుగుతుంది.